Një aksident i rëndë me motor është shënuar ditën e sotme në Bulqizë.
Burime për Top Channel bëjnë me dije se një 30-vjeçar, me inicialet B.Ll, është përplasur me motor në shtyllën anësore të rrugës.
I aksidentuari është dërguar është dërguar me helikopter drejt Spitalit të Traumës, për të marrë ndihmën mjekësore, raporton Top Channel.
Si pasojë e këtij aksidenti, 30-vjeçari ka mbetur i plagosur me fraktura në kokë dhe trup, por fatmirësisht ndodhet jashtë rrezikut për jetën.
Ndërkohë, policia ka mbërritur menjëherë në vendngjarje dhe po punon për zbardhjen e plotë të aksidentit.
