Arabia Saudite sot vendosi ndalesë të përkohshme për vendasit dhe banorët që të kryejnë Umren për shkak të frikës nga koronavirusi i ri, njoftoi agjencia zyrtare e lajmeve SPA, transmeton Anadolu Agency (AA).
“Vendimi do të shqyrtohet vazhdimisht dhe zbatimi i tij do të pezullohet kur shkaqet e tij largohen”, tha SPA, duke cituar një burim të lartë të Ministrisë së Brendshme.
Më 27 shkurt, Arabia Saudite pezulloi hyrjen e pelegrinëve që kërkonin të kryenin Umren për shkak të sëmundjes.
Pezullimi gjithashtu vlen edhe për ata që kërkojnë të vizitojnë Xhaminë e Profetit në qytetin e Medinës.
Umreja mund të kryhet në çdo kohë gjatë vitit.
I zbuluar së pari në dhjetor në Wuhan të Kinës, koronavirusi i ri i njohur si COVID-19 është përhapur në të paktën 73 vende.
