Bageta – një përzierje me miell gruri, ujë, maja, kripë dhe pak savoir-faire dhe po aq simbol i Francës sa Kulla Eiffel – së shpejti mund të bashkohet me listën e thesareve kulturore të UNESCO-s. Bukëpjekësit thonë se buka tradicionale e artizanatit, blerja e së cilës nga furra lokale ka qenë për dekada me radhë një ritual në jetën e përditshme franceze, po zëvëndësohet në raftet e dyqaneve, madje edhe në Francë, nga shkopinjtë e ngrirë të bukës të bërë në linjat gjigande të prodhimit.
“Nuk ka asnjë sekret të vetëm për të bërë një bagetë të mirë tradicionale,” tha Mickael Reydellet, pronar i tetë furrave. “Kërkon kohë, një savoir-faire, mënyrën e duhur të pjekjes, miell të mirë pa aditivë.” Konfederata e Bukëpjekësve Francez ka paraqitur aplikacionin e saj për tu shtuar në renditjen e thesareve jo-materiale të KB.
Bageta e gjen veten përballë dy rivalëve për ofertën franceze: Kulmet e mbuluara me zink të Parisit dhe festivalit të verës Biou d’Arbois të rajonit Jura. Ministrja e Kulturës e Francës do t’i bëjë rekomandimin e saj presidentit në mars. Bukëpjekësit thonë se listimi në UNESCO-s do të mbronte një njohuri teknike që ka kaluar nëpër breza dhe do të mbrojë bagetën nga mashtruesit në të gjithë botën.
Shenja e UNESCO-s “trashëgimi jomateriale” – e destinuar për të njohur traditat verbale, artet e interpretimit, praktikat shoqërore, ritualet dhe metodat e zejtarisë tradicionale – tashmë mbulon edhe metodat e lashta për të bërë bukë pite në Iran dhe Kazakistan.
Artizanatit që qëndron pas 1,500 ose më shumë birrave të krijuara në Belgjikë është njohur, ashtu si edhe arti napolitan i rrotullimit të picave. Një dekret i qeverisë franceze i vitit 1993 dikton që baget “tradicionale” nuk duhet të bëhen nga asgjë tjetër përveç katër përbërësve klasikë. Fermentimi i brumit duhet të zgjasë 15 deri në 20 orë në një temperaturë ndërmjet 4 deri në 6 gradë Celsius.
Bukëpjekësit e Francës janë goditur rëndë nga kufizimet e COVID-19 gjatë vitit të kaluar. Reydellet tha: “Ky titull do të ngushëllonte furrtarët dhe do të inkurajonte gjeneratën e ardhshme.” Rreth 6 milion bageta shiten çdo ditë në Francë. Por Dominique Anract, presidenti i federatës së bukëpjekësve tha se zakoni kulturor ishte nën kërcënim, me rreth 30,000 furra buke të mbyllura që nga vitet 1950 ndërsa supermarketet morën stafetën.
“Detyra e parë që i kërkojmë një fëmije është të shkojë të blejë një bagete nga një furrë buke”. Tha Anract. “Ne ia kemi borxh vetes për t’i mbrojtur këto zakone”. (CNN)
