9.5 C
Tiranë
E hënë, 29 Nëntor, 2021

Pfizer për fëmijet 5-11 vjeç në SHBA? – Autorizimi emergjent pritet të jepet brenda muajit tetor

Pfizer ka thënë më parë se do të kishte të dhëna për fëmijët e moshës 5-11 vjeç gati në shtator dhe kishte në plan të paraqiste për një kërkesë zyrtare për përdorim menjëherë pas kësaj.

Zyrtarët kryesorë të shëndetit në SHBA besojnë se vaksina Pfizer mund të autorizohet për fëmijët e moshës 5-11 vjeç deri në fund të tetorit, thanë dy burime. Afati kohor bazohet në pritshmërinë që Pfizer do të ketë të dhëna të mjaftueshme nga provat klinike për të kërkuar autorizimin e përdorimit emergjent për atë grupmoshë nga Administrata e Ushqimit dhe Barnave e SHBA (FDA) deri në fund të këtij muaji, shtuan burimet.

Ata parashikojnë që FDA mund të marrë një vendim nëse vaksina është e sigurt dhe efektive tek fëmijët më të vegjël brenda tre javësh nga paraqitja e provave klinike. Vendimi nëse do të autorizohet një vaksinë për fëmijët më të vegjël pritet me padurim nga miliona amerikanë, veçanërisht prindërit, fëmijët e të cilëve filluan shkollën javët e fundit mes një valë infeksionesh të nxitur nga varianti Delta.

Nëse Pfizer paraqet rezultatet e provave klinike të saj deri në fund të shtatorit, dhe të dhënat mbështesin përdorimin e tij, brenda tetorit vaksinat mund të jenë gati për përdorim thanë ekspertët. Sipas tyre, Moderna mund të marrë rreth tre javë më shumë se Pfizer për të mbledhur dhe analizuar të dhënat e saj për fëmijët e moshës 5-11 vjeç. Në këtë mënyrë një vendim për vaksinat Moderna mund të merret rreth nëntorit.

Pfizer ka thënë më parë se do të kishte të dhëna për fëmijët e moshës 5-11 vjeç gati në shtator dhe kishte në plan të paraqiste për një kërkesë zyrtare për përdorim menjëherë pas kësaj. Më parë, rregullatorët federalë të shëndetit, kanë sugjeruar që një vendim i FDA -së mund të vijë në Nëntor ose më vonë. Së fundmi, kompania Moderna u deklaroi investitorëve se prisnin të dhëna nga studimi i fëmijëve deri në fund të vitit.

Më herët, Administrata e Ushqimit dhe Barnave tha se do të punonte shpejt për të miratuar vaksinat COVID-19 për fëmijët, pasi kompanitë të dorëzonin të dhënat e tyre. FDA shtoi se do të merrte parasysh aplikacionet e bazuara në një rrugë më të shpejtë për të autorizuar vaksinat për përdorim emergjent. Një autorizim i tillë kërkon që kompanitë të paraqesin dy muaj të dhëna sigurie për pjesëmarrësit në prova, kundrejt gjashtë muajve të kërkuar për autorizim të plotë.

Partneri i Pfizer, BioNTech ka deklaruar se pret që të kërkojë autorizim globalisht për vaksinën COVID-19 tek fëmijët e vegjël 5 vjeç gjatë javëve të ardhshme dhe se përgatitjet ishin në rrugën e duhur. /scan

Për tu Lexuar

Të Fundit

Lajme të Ngjashme