37 persona kanë rënë në pranga, të akuzuar për të qenit pjesë e një rrjeti të trafikut ndërkombëtar të drogës.
Arrestimet në fjalë u bënë të mundura nga policia italiane, në bashkëpunim me autoritetet shqiptare.
Mësohet se gjatë operacionit janë sekuestruar 3 ton e gjysmë drogë e llojit marijuanë, hashash dhe kokainë, e ndarë në 7 milionë doza.
Nisur nga çfarë raporton policia italiane, vlera në treg e drogës së sekuestruar kap shifrën 40 milionë euro. Operacioni policor gjeti shtrirje në Foggia, Lecce, Bologna, Roma, Napoli e Catanzaro.
Ndërkohë vijon operacioni i përbashkët mes Policisë italiane dhe Policisë shqiptare.
Pak minuta më parë, në Vlorë, u gjet dhe u sekuestrua një mjet lundrues gomone që i përket grupit të strukturuar kriminal.
Lajmi në përditësim…
