Vranë me thikë 41 vjeçarin për një vend parkimi, lihen në burg pa afat dy vëllezërit Tarja

“Burg pa afat” dha sot gjykata e Sarandës, si masë sigurie për 18-vjeçarin Xhoi Tarja dhe 24-vjeçarin Xhanelo Tarja. “Arrest me burg” kërkoi organi i akuzës dhe prokurorja Alba Dhima kërkesë e pranuar nga gjyqtari Alban Veçani. Dy vëllezërit Tarja janë ndaluar dy ditë më parë për ngjarjen e ndodhur për shkak të një parkimi,…

“Burg pa afat” dha sot gjykata e Sarandës, si masë sigurie për 18-vjeçarin Xhoi Tarja dhe 24-vjeçarin Xhanelo Tarja.
“Arrest me burg” kërkoi organi i akuzës dhe prokurorja Alba Dhima kërkesë e pranuar nga gjyqtari Alban Veçani.

Dy vëllezërit Tarja janë ndaluar dy ditë më parë për ngjarjen e ndodhur për shkak të një parkimi, ku gjeti vdekjen i goditur me thikë 41-vjeçari Klodian Bakiaj nga Tepelena.

Mbi të dy vëllezërit Tarja rëndon akuza “Vrasje me dashje në bashkëpunim”, 76 e 25 Kodi Penal.

Sot në masën e sigurisë të rinjtë me lot në sy kanë kërkuar ndjesë për çfarë ka ndodhur, ndërsa sipas avokatit Edison Ademi autori i ngjarjes ka qenë 18-vjeçari Xhoi Tarja.

Pas goditjeve me grushta që viktima i ka dhënë 18-vjeçarit, ky u fundit u largua për momentin për t’u rikthyer përsëri ku grindja vazhdonte me vëllanë tjetër Xhanelo Tarja.

Xhoi ka goditur me thikë me një goditje mbi 41-vjeçarin Klodian Bakiaj, goditje fatale kjo që i mori atij jetën.

Ndërsa për Genci Ahmeti, administrator i hotelit ku punonin dy të rinjtë u mor si masë “Arrest me burg” me afat 1 muaj me akuzën “Veprime që pengojnë zbulimin e së vërtetës” parashikuar nga neni 301 Kodi Penal.