10.5 C
Tiranë
E hënë, 29 Nëntor, 2021

Holanda rikthen karantinën: Vaksinimi nuk e shpëton Evropën, nisin masat shtrënguese

Holanda riktheu izolimin e pjesshëm për tre javë në vazhdën e luftës kundër koronavirusit, teksa sëmundja vazhdon përhapjen me ritme shqetësuese në kontinentin e vjetër.

Kryeministri Mark Rutte sqaroi se masat e karantinës do të prekin dyqanet, aktivitetet sportive dhe restorantet.

Një lëvizje e tillë drastike, sipas tij, është përgjigje ndaj shkallës rekord të infektimit dhe rritjes së numrit të personave të shtruar në spitale.

Rutte sqaroi se izolimi hyn në fuqi mbrëmjen e së djelës. Kjo masë merret pavarësisht faktit që shumica e popullsisë holandeze është vaksinuar.

Të gjitha dyqanet jo të domosdoshme do të mbyllen në orën 18:00, ndërsa ato ushqimore, baret dhe restorantet në orën 20:00. Është kërkuar po kështu që njerëzit duhet të punojnë nga shtëpia sa më shumë që është e mundur.

Pavarësisht nivelit të lartë të imunizimit, shumë vende të Evropës po përballen me rritje drastike të rasteve pas ftohjes së motit.

Austria po ashtu pritet të kufizojë lëvizjet e personave të pavaksinuar, ndërsa Danimarka ka rikthyer kërkesën për certifikatë të vaksinës, ndonëse në muajin shtator pati thënë se COVID-19 nuk është më sëmundje “kritike”.

Qendra Europiane për Parandalimin dhe Kontrollin e Sëmundjeve  tha se situata po vazhdon të përkeqësohet dhe futi nëntë shtete – Poloninë, Holandën, Bullgarinë, Kroacinë, Republikën Çeke, Estoninë, Greqinë, Hungarinë dhe Slloveninë – në kategorinë e vendeve që paraqesin shqetësim të lartë.

Për tu Lexuar

Të Fundit

Lajme të Ngjashme