Shijak/ Shpërthen bombola e gazit në një banesë, plagoset 68-vjeçari. Niset në spital

Një bombol gazi në një shtëpi ka shpërthyer në Shijak vetëm pak  minuta më parë. Policia njofton se si pasojë e shpërthimit është lënduar një 68-vjeçar, i cili është transportuar në spital dhe ndodhet jashtë rrezikut për jetën.

“Me datë 16.11.2021, rreth orës 15:30, dyshohet si pasojë e shpërthimit e një bombule gazi në banesë, është lënduar shtetasi R. B., 68 vjeç, banues në Shijak, i cili ndodhet nën kujdesin e mjekëve, jashtë rrezikut për jetën”, njofton policia.

Grupi hetimor ndodhet në vendngjarje dhe po punon për zbardhjen e rrethanave të ngjarjes