Asambleja Parlamentare e Këshillit të Europës (PACE) ka zgjedhur këtë të martë Darian Pavlin si gjyqtar përfaqësues të Shqipërisë në Gjykatën Europiane të të Drejtave të Njeriut, me seli në Strasburg.
Pavli, i cili ka marrë shumicën absolute të votave, zgjidhet gjyqtar në GJEDNJ për një mandat 9-vjeçar, të cilin duhet ta fillojë jo më vonë se 3 muaj nga dita e zgjedhjes.
Gjykatësit zgjidhen nga “PACE”, nga një listë prej 3 kandidatësh të nominuar nga secili shtet që ka ratifikuar Konventën Europiane të të Drejtave të Njeriut.
Pavli është votuar me 98 vota pro, nga 170 vota të hedhura në kutinë e votimit, ndërsa 13 të tjera rezultuan të pavlefshme. Rivalë të tij ishin Sokol Berberi me 13 vota dhe Marjana Semini me 59 vota. Ai zëvendëson Ledio Biankun në këtë detyrë.
