Moti i keq ka shkaktuar viktimën e parë në Shqipëri dhe ai është punonjësi i një pike karburanti në Shkodër.
Mësohet se Tonin Loci ka ndërruar jetë, pasi është zënë poshtë nga streha e karburantit, që është shembur pasi nuk ka mundur të përballojë peshën e dëborës.
53-vjeçari Loci është bllokuar në rrënoja dhe në vendngjarje kanë mbërritur forcat zjarrfikëse për të nxjerrë trupin e tij dhe për të shuar flakët që u ndezën pas shembjes së strehës së karburantit.
Gjithashtu sipas policisë së Shkodrës në vendin e quajtur “Kryqëzimi i fermentimit” është shembur një tjetër karburant i po të njëjës kompani, por fatmirësisht nuk ka të lënduar.
NJOFTIMI I POLICISE:
Me date 10.01.2019, ora 17:10, është shembur një karburant në hyrje të Shkodres e për pasojë ka gjetur vdekjen e menjëhershme, shtetasi T. L. 53 vjeç.
Në vendngjarje ndodhen shërbimet e MNZ. Shërbimet e Policisë po punojnë për nxjerrjen e trupit të viktimës dhe sqarimin e rrethanave të ngjarjes.
Gjithashtu në vendin e quajtur “Kryqëzimi i fermentimit” është shembur një tjetër karburant i po të njëjës kompani. Fatmirësisht nuk ka të lënduar.
Policia po kryen veprimet per sqarimin e rrethanave dhe shkaqeve të kësaj ngjarjeje.
Një incident i rëndë ka ndodhur si pasojë e motit të keq në qytetin e Shkodrës.
Si pasojë e një aksidenti të ndodhur një ditë më parë në aksin Shkodër-Shirokë ku një autobus i linjës Shkodër-Shirokë-Zogaj është rrezuar në anë të rrugës ky aks vijon të jetë i bllokuar.
Autobusi është rrezuar në afërsi të pikës turistike në Zogaj. Edhe pse është në këtë gjendje prej 24 orësh, deri më tani askush nuk ka ndërhyrë për hapjen e rrugës dhe lëvizja e mjeteve në këtë aks mbetet e paralizuar./TCh
