Shefi i misionit diplomatik turk në Uashington, Serdar Kiliç, iu përgjigj mbrëmjen e së mërkurës komenteve të zëdhënësit të Departamentit amerikan të Shtetit, Robert Palladino, në lidhje me zgjedhjet lokale të 31 marsit në Turqi.
“Ankimet/rinumërimet janë pjesë e zgjedhjeve demokratike. Partitë kanë të drejtë të kundërshtojnë rezultatet e zgjedhjeve. Kjo ka ndodhur për dekada jo vetëm në Turqi, por edhe në demokracitë e tjera, përfshi Shtetet e Bashkuara të Amerikës. Shikoni rinumërimet në zgjedhjet e viteve 2016 dhe 2018 në SHBA”, shkroi ambasadori Kiliç në “Twitter”, një postim në adresë të zëdhënësit Palladino, raporton TRT.
Appeals/recounts are part of democratic elections. Parties are entitled to contest election results. This has been the case for decades not only in Turkey, but also in other democracies, including the U.S. See recounts in 2016 and 2018 US elections @StateDeputySPOX
— Serdar KILIÇ (@serdarkilic9) April 3, 2019
I pyetur rreth zgjedhjeve vendore në Turqi gjatë konferencës ditore për shtyp të mërkurën, Palladino qe shprehur me këto fjalë: “I pamë lajmet (për zgjedhjet në Turqi). Zgjedhjet e lira dhe të drejta janë bazë për çdo demokraci; pra, esenciale është gjithashtu të pranohen rezultatet e ligjshme. Ne s’presim më pak as nga Turqia, e cila ka një traditë të gjatë dhe krenare në këtë aspekt.”
