Këtë sjellje, deputetja Lala e ka paraqitur si “strategji” në reagimin e fundit kur thotë se: “Njerëzit kanë tendencën të nënvlerësojnë ata që qëndrojne të heshtur. Nuk e kuptojnë se heshtja do të thotë vëzhgim, e dëshirë për të mësuar të mirat e të këqijat e ambientit që të rrethon.”
Duke theksuar se fjalët e tepërta janë fukarallëk, Reme Lala premton një faqe të re në sesionin parlamentar që sapo ka nisur.
“Një sesion i ri, një faqe e re, sërish jo për të ngritur zërin për të treguar që unë jam këtu, por për të përcjellë të nevojshmen e të domosdoshmen për të mirën e atyre që përfaqësoj. Fjalët e tepërta janë fukarallëk thotë populli. Suksese të gjithëve”, shkruan deputetja.
Reme Lala hyri në Kuvend me listën e PDIU-së, por më pas u largua nga kjo parti, ndërkohë që jo-zyrtarisht konsiderohet pjesë e mazhorancës së drejtuar nga kryeministri Edi Rama.
