Turqia ka arrestuar gjithsej 18 persona për lidhjet e tyre të dyshuara me organizatën terroriste FETO, grupi që qëndron pas grushtit të shtetit të mposhtur të vitit 2016, transmeton Anadolu Agency (AA).
Prokurorët në kryeqytetin e Ankarasë lëshuan urdhra arresti për 31 të dyshuar, përfshirë tetë nëpunës civilë me detyrë aktive, të cilët akuzohen për përdorimin e ByLock, aplikacioni i mesazheve të fshehura të smartphone-ve të grupit terrorist.
Policia arrestoi 12 të dyshuar në operacionet e nisura në 10 provinca. Kërkimi për të tjerët vazhdon.
Ndaras, prokurorët në provincën qendrore të Konya lëshuan urdhër arreste për 14 të dyshuar, gjashtë prej të cilëve janë arrestuar deri më tani. Ekipet e policisë vazhdojnë bastisjet për të kapur pjesën tjetër.
FETO dhe udhëheqësi i saj me qendër në SHBA, Fetullah Gulen, orkestruan grusht shtetin e mposhtur më 15 korrik të vitit 2016, i cili la 251 martirë dhe afër 2.200 të plagosur.
Ankaraja e akuzon FETO-n se qëndron pas një fushate të gjatë për rrëzimin e shtetit përmes infiltrimit në institucionet turke, veçanërisht në ushtri, polici dhe gjyqësor.
