Fondacioni “Alsar” në kuadër të zhvillimit të projekteve të bamirësisë me rastin e muajit të Madhëruar të Ramazanit startoi sot fushaten e ndihmes dhe solidaritetit human “RAMAZAN 2020” për t’ju ardhur në ndihmë familjeve të kategorive sociale në nevojë duke kontribuar sadopak në lehtësimin e vështirësive te tyre ekonomike.
Programi i ndihmës në këtë fazë të parë në prag të këtij muaji të begatë, nisi në Tiranë me dhurimin e 210 pakove ushqimore për familjet në nevojë të njësisë administrative Vorë, si dhe ato të fëmijeve jetimë të qytetit të Tiranës, me synimin për të krijuar ndjenja solidare e atmosferë festive në këtë muaj të mirësive e begative hyjnore
. Ky projekt u mundësua falë kontributit të ofruar nga organizata UK Islamic Mission me qendër në Angli.
Fondacioni Alsar gjen rastin t’i shprehë mesazhin e vlerësimit dhe të mirënjohjes partnerëve të nderuar për zhvillimin e këtyre marrëdhënieve të suksesshme të bashkëpunimit në rrugetimin tonë të përbashkët drejt vlerave humane. Zoti i bekoftë bamirësit.
