Arena “Ahoy” ishte zgjedhur për të pritur festivalin evropian të këngës “Eurovision” për muajin maj, por tani ajo është shndërruar në krejt diçka tjetër pas përhapjes së pandemisë të Covid-19.
“Ahoy” në Rotterdam të Holandës, tashmë është kthyer në një spital urgjence për të ndihmuar në luftën kundër koronavirusit.
Gazetarja e BBC, Anna Holligan ka hyrë brenda arenës e cila tashmë është gati të presë pacientët e parë. Në pamje shihen se si dhomat të cilat ishin bërë gati të pritnin delegacione nga 41 shtete pjesëmarrëse, janë kthyer në dhoma me shtretër spitali dhe pajisje mjekësore./bbc
