736 të infektuar, 28 viktima dhe 422 të shëruar, ky është bilanci i deritanishëm i COVID-19 në Shqipëri. Ministria e Shëndetësisë njoftoi sot se gjatë 24 orëve të fundit kanë rezultuar me COVID-19 edhe 10 persona të tjerë, 4 më pak se dje. Harta është zgjeruar me 9 raste të reja në Tiranë, dhe 1 rast i ri është në Shkodër. Sipas ministrisë, gjatë 24 orëve të fundit, 12 pacientë të tjerë, i janë shtuar listës së të shëruarve, duke e çuar totalin e të shëruarve nga COVID-19 në 422.
Aktualisht në dy spitalet COVID aktualisht po marrin shërbim 34 pacientë. Rasti i ri në Shkodër është një grua nga lagjia Kiras, e cila siç bëjnë me dije burime për Dosja.al ka shfaqur dy ditë më parë temperaturë dhe ethe dhe më pas i është bërë tamponi. Ndërkohë që situata shfaqet më e relaksuar edhe në Tiranë, ku si rrallë herë, oborri i QSUT është parë i zbrazur nga familjarë që kanë brenda ambienteve të infektivit, të afërm me COVID-19.
