Dhunoi dhe kërcënoi me armë bashkëshorten, parandalohet krimi në familje në Shkodër

Një 35-vjeçar, që dhunoi dhe më pas kërcënoi me armë bashkëshorten, u arrestua në Shkodër. Policia njofton se 32-vjeçarja me iniciale B.K. u ka telefonuar, duke denoncuar burrin, që po e kërcënonte me armën e gjahut. 35-vjeçari me iniciale K.K., banues në lagjen “Skënderbeg”, u arrestua, duke parandaluar përshkallëzimin e mëtejshëm të konfliktit. Si provë…

Një 35-vjeçar, që dhunoi dhe më pas kërcënoi me armë bashkëshorten, u arrestua në Shkodër.

Policia njofton se 32-vjeçarja me iniciale B.K. u ka telefonuar, duke denoncuar burrin, që po e kërcënonte me armën e gjahut.

35-vjeçari me iniciale K.K., banues në lagjen “Skënderbeg”, u arrestua, duke parandaluar përshkallëzimin e mëtejshëm të konfliktit.

Si provë material, u sekuestrua arma e gjahut çifte me fishekë në fole dhe një sasi fishekësh arme gjahu.

Autori i dyshuar do të hetohet nga Prokuroria e Shkodrës, për veprat penale “Dhuna në familje”, “Kanosja“ dhe “Mbajtja pa leje e armëve të gjuetisë dhe sportive”.