Një person është ekzekutuar me armë mbrëmjen e së hënës, pranë stadiumit “Selman Stermasi” në Rrugën “Zef Jubani”.
Nga pamjet e mbërritura në redaksinë tonë dallohet trupi i pajetë i viktimës i mbuluar me çarçaf.
Mësohet se viktima është dërguar në morg, për ekzaminime të mëtejshme, shkruan Top Channel.
Policia bën me dije se rreth orës 22:20, në rrugën “Zef Jubani”, në rrethana ende të paqarta është vrarë me armë zjarri Jurgen Kurti, 26 vjeç.
Grupi hetimor po punon për zbardhjen e rrethanave të ngjarjes, identifikimin dhe kapjen e autorit/ve.
Sherbimet e Policisë po krehin zonën si dhe janë ngritur pika kontrolli për kapjen e autorit/eve.
