Turqia sot nisi një dërgesë me furnizime mjekësore, përfshirë respiratorë të rinj të prodhuar nga Turqia, në Somali për të ndihmuar vendin në luftën kundër pandemisë së koronavirusit të ri (COVID-19), raporton Anadolu Agency (AA).
Respiratorët, të prodhuar përmes teknologjive të avancuara, do të jenë “frymë jete për vëllezërit tanë në Somali”, tha presidenti turk Recep Tayyip Erdoğan në Twitter.
“Civilizimi nuk është çështje e mundësive, por e ndërgjegjes”, shtoi Erdoğan, duke theksuar se mundësitë dhe ndërgjegja e kombit turk qëndrojnë me të shtypurit dhe nevojtarët.
Pas përpjekjes së gjithanshme të Turqisë për të zhvilluar respiratorët e saj, të cilët dolën në dritë muajin e kaluar, Somalia, e cila kishte mungesë pajisjesh vendimtare për luftimin e koronavirusit, është vendi i parë i huaj ku ajo dërgoi respiratorë.
Me urdhër të presidentit, ndihma e përgatitur nga Ministria e Mbrojtjes Kombëtare, Ministria e Shëndetësisë dhe Ministria e Industrisë dhe Teknologjisë u ngarkuan në aeroplan të premten në mbrëmje në Aeroportin Ushtarak Etimesgut në kryeqytetin Ankara.
Ndihma përfshin një sasi të madhe të pajisjeve të kujdesit shëndetësor, siç janë 5.000 respiratorë të kujdesit intensiv të bashkëprodhuar nga firmat turke Biyosys, Baykar, Aselsan dhe Arçelik, në mesin e kompleteve diagnostikuese, veshjeve mbrojtëse dhe maskave.
Duke folur rreth dërgesës, ministri i Industrisë dhe Teknologjisë, Mustafa Varank, tha se periudhat e vështira i kanë mësuar kombit turk të reflektojë siguri dhe frymëzim.
Varank theksoi se ata janë dëshmitarë të suksesit të përparimeve teknologjike të inicuara nën udhëheqjen e presidentit Erdoğan.
Paketat e ndihmës mjekësore mbajnë vulën presidenciale turke së bashku me flamurin turk dhe atë të Somalisë dhe një thënie të famshme të poetit dhe mistikut të shekullit të 13-të, Mevlana Rumi: “Pas dëshpërimit ka shumë shpresë, pas errësirës ka shumë diell”.Erdoğan
