Erdoğan: Turqia nuk do të tregojë mëshirë për ata që përpiqen të përçajnë shtetin

Kontrolli turk i Anadollit filloi me Betejën e Malazgirt-it, e njohur po ashtu si Beteja e Manzikertit, më 26 gusht të vitit 1071, kur turqit selxhuk të udhëhequr nga Sulltan Alparslan mposhtën një ushtri shumë të madhe bizantine Ankara Presidenti turk, Recep Tayyip Erdoğan, ka deklaruar se Türkiye nuk do të lejojë askënd të synojë…

Kontrolli turk i Anadollit filloi me Betejën e Malazgirt-it, e njohur po ashtu si Beteja e Manzikertit, më 26 gusht të vitit 1071, kur turqit selxhuk të udhëhequr nga Sulltan Alparslan mposhtën një ushtri shumë të madhe bizantine
Ankara
Presidenti turk, Recep Tayyip Erdoğan, ka deklaruar se Türkiye nuk do të lejojë askënd të synojë sovranitetin e vendit, raporton Anadolu Agency (AA).

“Ne nuk do të tregojmë mëshirë për ata që përpiqen të përçajnë atdheun tonë dhe të shkatërrojnë shtetin tonë”, tha presidenti Erdoğan në një ceremoni për shënimin e 951-vjetorit të Fitores së Malazgirt-it.

Duke folur në ngjarjen e organizuar në provincën lindore Muş, presidenti Erdoğan tha se Türkiye nuk do të tolerojë asnjë sulm që synon lirinë e vendit.

“Ne nuk kemi dëmtuar asnjë person të pafajshëm gjatë luftës në terren dhe veprojnë me këtë ndjeshmëri”, shtoi ai.

Beteja e Malazgirt-it

Erdoğan tha se Malazgirt-i simbolizon hapjen e portës së Anadollit për turqit, “e cila nuk do të mbyllet më kurrë”.

“Ne kurrë nuk do ta harrojmë Malazgirt-in, nuk do ta lëmë kurrë të hartohet, do ta mbajmë gjithmonë të gjallë në zemrat dhe mendjet tona”, tha ai.

Kontrolli turk i Anadollit filloi me Betejën e Malazgirt-it, e njohur po ashtu si Beteja e Manzikertit, më 26 gusht të vitit 1071, kur turqit selxhuk të udhëhequr nga Sulltan Alparslan mposhtën një ushtri shumë të madhe bizantine.

Fitorja përshpejtoi rënien e Perandorisë Bizantine dhe çoi në vendosjen e më shumë turqve në rajon, duke hapur rrugën si për Perandorinë Osmane ashtu edhe për Republikën e Türkiye-s moderne.

Shekuj më vonë, pushtimi i huaj çoi në Luftën e Pavarësisë së Türkiye-s në vitin 1919, në të cilën forcat turke, të udhëhequra nga Mustafa Kemal Atatürk, përfundimisht i dëbuan pushtuesit nga Anadolli.

Kah fundi i vitit 1922, të gjitha forcat e huaja ishin larguar nga territoret, të cilat një vit më vonë u bënë pjesë e Republikës së Türkiye-s.