Partia Demokratike ka mbledhur mbrëmjen e sotme Grupin Parlamentar.
Burime per “BalkanWeb” bejne me dije se gjatë fjalës së tij kryedemokrati Lulzim Basha eshte ndalur tek inceneratoret duke u shprehur se në një vend normal duhet të ishin nisur të arrestonin Agaçin.
“Këtu është kapur në flagrancë e gjithë kupola e PS dhe qeverisë. Afera e inceneratorëve eshte nje çështje e rëndësishme dhe po nxjerr në dritë të dhëna të rëndësishme. Është e qartë që minimalisht me këto të dhëna, në një vend normal duhet të ishin nisur të arrestonin Agaçin.”
Kujtojmë se Basha e mbledh grupin e PD një ditë para seancës plenare në Kuvend, ku do të miratohen anëtarët e komisionit për reformën zgjedhore dhe atë territoriale. Gjithashtu, në seancën e nesërme plenare pritet të votohen edhe bashkëkryetarët e këtyre dy reformave.
