10.3 C
Tiranë
E hënë, 29 Nëntor, 2021

Kushi thirrje studentëve dhe pedagogëve: Vaksinohuni që të riktheheni në auditore më 11 Tetor

Kushi thotë se studentët dhe pedagogët do të jenë të mirëpritur të hyjnë në auditorë për të zhvilluar jetën universitare pasi të kenë dorëzuar certifikatën e vaksinimit.

Ministrja e Arsimit, Rinisë dhe Sporteve, Evis Kushi përmes një video-mesazhi u ka bërë thrrrje studentëve dhe pedagogëve që të vaksinohen në mënyrë që të rikthehen në auditoret e universiteteve më 11 Tetor.

Kushi thotë se studentët dhe pedagogët do të jenë të mirëpritur të hyjnë në auditorë për të zhvilluar jetën universitare pasi të kenë dorëzuar certifikatën e vaksinimit.

Nëse dje, mbyllja e auditorëve ishte një emergjencë shëndetësore, sot hapja e tyre është po aq e rëndësishme dhe e domosdoshme. Prandaj, për të arritur këtë, dua t’ju rikujtoj edhe njëherë vendimin e ekspertëve të shëndetësisë që të gjithë studentët dhe pedagogët do të jenë të mirëpritur të hyjnë në auditorë për të zhvilluar jetën universitare pasi të kenë dorëzuar certifikatën e vaksinimit. Dhe natyrisht, duke respektuar të gjitha protokollet e miratuara shëndetësore. Testi periodik i PCR mund të jetë një opsion i pranueshëm, por unë ju rekomandoj me shumë këmbëngulje vaksinimin si zgjidhjen më të mirë për të gjithë ne, duke u bazuar edhe në rezultatet e shkencës, por edhe në praktikat më të mira të vendeve të zhvilluara”, tha ministrja Kushi.

Në përmbyllje të mesazhit, ministrja Kushi shpreh besimin se studentët e pedagogët ende të pavaksinuar, do të përmbushin shumë shpejt e me sukses këtë përgjegjësi për një të ardhme më të mirë e më të sigurt.

Për tu Lexuar

Të Fundit

Lajme të Ngjashme