Deputeti i Parlamentit Europian, David Lega, thotë se Shqipëria rrezikon kryesimin e OSBE-së nëse aprovohet ligji i ri për mediat.
Në një postim në rrjetet sociale, Lega thotë se miratimi i paketës anti-shpifje do të ndërlikojë edhe negociatat me Bashkimin Europian.
“Nëse parlamenti shqiptar aprovon ligjin e ri për mediat rrezikon kryesimin e saj në OSBE. Gjithashtu do të ndërlikojë negociatat për anëtarësimin me BE-në. Rezistenca e fortë e Partisë Demokratikë është shumë e mirëpritur”, shkruan ai.
David Lega është anëtar i Komitetit për Punët e Jashtme dhe të Drejtat e Njeriut në PE. Ai është politikan i partisë Kristian Demokrate, një parti suedeze pjesë e Partisë Popullore Europiane./tvklan.al
