Forcat turke të sigurisë arrestuan 450 persona të dyshuar për lidhje me grupin terrorist YPG/PKK, bëri të ditur Ministria e Brendshme e Turqisë, transmeton Anadolu Agency (AA).
Ministria tha se policia arrestoi 450 të dyshuar gjatë pesë ditëve të fundit në operacionet antiterroriste në 37 provinca.
Gjatë operacioneve, policia sekuestroi pajisje dhe dokumente në adresat e të dyshuarve, duke përfshirë një numër të armëve me tyta të gjata dhe një armë gjahu.
Në fushatën e saj terroriste më shumë se 30-vjeçare kundër Turqisë, PKK, e listuar si organizatë terroriste nga Turqia, SHBA dhe BE, ka qenë përgjegjëse për vdekjen e 40.000 njerëzve, përfshirë shumë gra, fëmijë dhe foshnja. YPG është dega siriane e PKK-së.
