Rama premton kompensim edhe për banorët e 5 majit pa pronësi të shtëpive

Kryeminstri Rama tha se të gjitha familjet që u janë shembur shtëpitë do të kompensohen me banesa, pavarësisht nëse kanë apo jo dokument pronësie për shtëpitë. Deri në çastin kur banesat të ndërtohen, ata do të marrin bonus qeraje, sipas kryeministrit. “Shtëpia që është pa leje prishet dhe familja merr kompensimin me shtëpi”, tha Rama….

Kryeminstri Rama tha se të gjitha familjet që u janë shembur shtëpitë do të kompensohen me banesa, pavarësisht nëse kanë apo jo dokument pronësie për shtëpitë.

Deri në çastin kur banesat të ndërtohen, ata do të marrin bonus qeraje, sipas kryeministrit.

“Shtëpia që është pa leje prishet dhe familja merr kompensimin me shtëpi”, tha Rama.

Kryeministri tha se banorët janë njoftuar për shembjen që në qershor të vitit të kaluar.

51 familje kanë firmosur marrëveshjen për të marrë kompensimim nga shteti sipas Ramës.

Ai tha se marrëveshjet janë plotësisht të ligjshme dhe regjistrohen në kadastër.

“Këto marrëveshje do të regjistrohen në kadastër si detyrim i shtetit ndaj këtyre banorëve dhe në momentin që shtëpia është gati, do të futën brenda”, tha Rama.

Por banorët thonë se nuk kanë marrë asnjë garanci.

“Fjalët e merr era. Unë s’marr shtëpi me taksat e popullit”, thotë zonja Lizë, të cilës iu shemb shtëpia në lagjen 5 maj.

Kryeministri Edi Rama është pritur mëngjesin e sotëm në hyrje të Kuvendit nga banorët e 5 Majit. Ata i kanë kërkuar llogari kryeministrit për shembjen e banesave dhe se kur do të ndërtohen shtëpi të reja për ta.