Kryeministri shqiptar, Edi Rama, ka takuar në Marmara të Turqisë presidentin, Rexhep Taip Erdogan.
Në një postim në rrjetet sociale, Rama ka shpërndarë një foto nga takimi, sipas tij i përqendruar në “sfidat e kohës për fuqizimin e ekonomisë në kushtet e përballjes me Covid-19, ecurinë e bashkëpunimit dypalësh, si edhe situatën në rajonin e Ballkanit Perëndimor”.
Postimi në Facebook:
“Me Presidentin e Turqisë, mikun e çmuar Rexhep Taip Erdogan, në një nga bisedat gjatë qëndrimit në rezidencën e tij verore në Marmaris, ku folëm gjerësisht për marrëdhëniet mes Shqipërisë e Turqisë, sfidën e kohës për fuqizimin e ekonomisë në kushtet e përballjes me Covid-19, ecurinë e bashkëpunimit dypalësh, si edhe situatën në rajonin e Ballkanit Perëndimor “