Një sërë çështjesh pritet të jenë pikat kyçe të takimit online mes presidentit amerikan Joe Biden dhe homologut rus Vladimir Putin.
Mes tyre janë siguria kibernetika dhe programi bërthamor i Iranit, por shqetësim kryesor mbetet situata në Ukrainë.
Zyrtarët e inteligjencës amerikane pretendojnë se Rusia ka zhvendosur 70 mijë trupa ushtarakë në kufi me Ukrainën. Ata shprehen se Moska po planifikon që gjatë vitit të ardhshëm të nisë pushtimin e pjesës lindore të Ukrainës.
Kremlini tha javën e kaluar se Putini do të kërkonte garanci detyruese nga Biden që të përjashtonin zgjerimin e NATO-s në Ukrainë.
Zyrtarët amerikanë thuhet se po konsiderojnë të ndërmarrin më shumë sanksione kundër Rusisë duke theksuar se çdo pushtim i Ukrainës do të kishte pasoja.
Ushtria e Ukrainës duket se është në gatishmëri. Presidenti Volodymyr Zelensky u bashkua me trupat e tij në kufi, ndërsa forcat të armatosura festuan 30-vjetorin e krijimit, pasi fituan pavarësinë nga Rusia në 1991.