Të shtëna me armë zjarri janë rregjistruar në lagjen “Dobrac” në Shkodër.
Mësohet se në rrugën Shkodër – Koplik, në vendin e qujatur “5 heronjtë” është plagosur me armë zjarri shefi i Policisë Bashkiake të Malësisë së Madhe, i cili ndodhet jashtë rrezikut për jetën.
Drejt vendit të ngjarjes kanë mbërritur forcat e policisë.
Mësohet se i plagosur ka mbetur i shefi i policisë dhe një person tjetër. Dyshohet se dy persona me motor kanë qëlluar në drejtim të tyre për motive ende të paditura.
Repor Tv sjell pamje nga makina e Policisë Bashkiake ndaj të cilës u qëllua me armë. Kjo është makina e policisë, ku mund të dallohen qartë shenjat e plumbave.
Mësohet se në makinë kanë qenë Mentor Hasanaj 39-vjeç dhe Xhelal Hasanaj 74-vjeç. Nuk dihet se cili prej tyre ka qenë shënjestra.
Nuk dihen ende shkaqet, por mendohet se ka lidhje me detyrën e tij. Policia po bën krehjen e zonës për të rënë në gjurmë të autorëve.
