Turqi, video e ndarë në rrjete sociale eksploron Stambollin multikulturor

Videoja përfshin intervista për kulturën e të jetuarit së bashku dhe përvojat personale të subjekteve me turqit muslimanë...

Drejtoria e Komunikimit të Turqisë ndau një video në mediat sociale që tregon komunitetet hebreje, greke, armene dhe asiriane që jetojnë së bashku me turqit muslimanë në Stamboll, transmeton Anadolu Agency (AA).

“Nën udhëheqjen e presidentit tonë (Recep Tayyip Erdoğan) dhe me njohjen e të qenurit ‘Të gjithë së bashku Turqi’, ne kemi ndërmarrë hapa të pashembullt për të realizuar parimin e qytetarisë së barabartë dhe për të mbrojtur diversitetin kulturor dhe fetar të kombit tonë”, tha në gjuhën greke Fahrretin Altun, kreu i Drejtorisë së Komunikimeve.

Videoja përfshin intervista për kulturën e të jetuarit së bashku dhe përvojat personale të subjekteve me turqit muslimanë.

Serli Keçoğlu Uslay, një turke me origjinë armene tha se burri i saj Mehmet është musliman dhe çifti ka rritur vajzat e tyre me tradita muslimane dhe të krishtere.

“Ka tre kisha, një kishë katolike latine, një sinagogë dhe një xhami në rrethin Büyükdere në Stamboll. Me fjalë të tjera, aq shumë vende adhurimi janë në një vend kaq të vogël. Kjo tregon pasurinë kulturore të këtij vendi. Këtu, gjatë muajve të Ramazanit, armenët, grekët dhe hebrenjtë nuk hanë në rrugë, në kopsht, para iftarit, ata tregojnë respekt të jashtëzakonshëm”, tha Uslay.Turqi, video e ndarë në rrjete sociale eksploron Stambollin multikulturor

Uslay tha se ajo kurrë nuk është përballur me diskriminim për shkak të trashëgimisë së saj armene dhe se kjo gjithmonë perceptohet si pasuri në Turqi.

Aleixa Kotam, një greke, tha se miku i saj më i mirë është një turk.

“Ndonjëherë duhet të pyesim veten për diçka. Të dyja palët duhet të kenë kureshtje për njëra-tjetrën”, tha Kotam.

Në 15-20 vitet e fundit, tha ajo, po përmbushen përpjekjet e mëdha për të rritur dhe për të mbajtur gjallë strukturën shumë-kulturore, shumë-gjuhëshe dhe shumë-fetare në Turqi.