Banka qendrore e Turqisë do të ndalojë përdorimin e kriptovalutave të tilla si bitcoin në pagesat për mallra dhe shërbime, sipas një vendimi të botuar në Fletoren Zyrtare këtë të premte.
Vendimi vjen ndërsa shumë në Turqi i janë kthyer kriptovalutave për të mbrojtur kursimet e tyre nga rritja e inflacionit dhe rënia e monedhës turke.
Në një deklaratë që shpjegon arsyet e saj, banka tha se transaksionet e kryera përmes përdorimit të kriptovalutave paraqisnin rreziqe “të parevokueshme”.
Pasuritë e kriptos “nuk janë subjekt i ndonjë mekanizmi rregullues dhe mbikëqyrës, as i një autoriteti rregullator qendror. Vlerat e tyre të tregut mund të jenë tepër të paqëndrueshme, ”deklaroi banka.
Ajo nënvizoi gjithashtu përdorimin e tyre në “veprime të paligjshme për shkak të strukturave të tyre anonime”, dhe përdorimin e tyre të mundshëm “në mënyrë të paligjshme, pa autorizimin e poseduesve të tyre”.
Kufizimi do të hyjë në fuqi në 30 Prill, sipas bankës.
