Gazetari Artan hoxha është shprehur se shumë nga biznesmenët e mëdhënj janë të detyruar që të pranojnë investime dhe para nga krimi.
I ftuar në studion e Abcnews, Hoxha tha se në mungesë të ndihmës së qeverisë, bizneset lidhje me anëtarë të botës së krimit, por që më vonë këta të fundit, ua marrin të gjitha.
“Për fat të keq bizneset e mëdha janë të detyruara të ulin kokën para krimit, në mungesë të ndihmës nga qeveria. Ata pranojnë paratë e krimit, sepse krimi para stok ka, s’ka ku t’i çojë dhe biznese kërkon që t’i hedhë. Ata u japin miliona, por problemi është se më vonë u marrin biznesin. Në ndërtim janë investime direkte nga trafiku ndërkombëtar i kokainës. Nëse SPAK do shkonte atje do zbulonte se tek ky projekt është një kompani e madhe por del një njeri që është bërë papritur biznesmen dhe që është aty garant i injktimit të parave të krimit,”- tha Hoxha ndër të tjera.
