Zjarri në spitalin e Tetovës/ Para disa muajve ishin konfirmuar gabime gjatë ndërtimit të tij

Tragjedia e ndodhur një natë më parë në spitalin e Tetovës ka sjellë lëvizjen e autoriteteve.

Sipas Alsat, në mesin e muajit prill është raportuar se janë konfirmuar gabime gjatë ndërtimit. Sipas informacioneve, firma e cila ka kryer punët ndërtimore duhej t’i mënjanoj vërejtjet.

“Vërejtjet kanë të bëjnë me dyshemenë dhe disa gabime tjera të vogla infrastrukturore. Është dhënë afat prej 5 ditëve që të sanohen gabimet të ndodhura gjatë ndërtimit të spitalit modular. Rrymë dhe ujë ka. Për sistemin e oksigjenit jemi në kontakt me firmën nga ku na thanë se për 2-3 ditë mund të vendoset. Sistemi ka ardhur deri tek infektivja dhe mund të lidhet. Në rast se nuk dalin probleme të tjera, javën tjetër shpresojmë se do të vihet në përdorim”, deklaroi asokohe drejtori Ekonomik i Klinikës së Tetovës, Artan Etemi.