Pas 20 ditësh “i zhdukur” Kim Jong-un shfaqet në publik. Agjensia e lajmeve KCNA raporton se udhëheqësi i Koresë së Veriut preu shiritin e një fabrike plehrash, që u hap së fundmi. Kim Jong Un u shfaq i qeshur në publik.
Javët e fundi mediat e Koresë së Veriut nuk njoftuan mbi vendndodhjen e Kim Jong Un-it. Që nga data 11 prill nuk dihej më asgjë për të dhe u dyshua se ai kishte probleme me shëndetin. Për këtë reagoi edhe SHBA. Sekretari amerikan i Shtetit Mike Pompeo tha të mërkurën Shtetet e Bashkuara nuk kanë dijeni se ku ndodhet udhëheqësi i Koresë së Veriut Kim Jong Un dhe se po i vëzhgojnë me kujdes raportet për shëndetin e tij. Ai tha se në vend ekziston një rrezik i vërtetë i urisë, për shkak të krizës botërore të koronavirusit.
Ndërkohë javët e fundit qarkulloi edhe lajmi se Kim Jong Un mund të kishte vdekur, pas një operacioni të ndërlikuar, madje disa nga mediat shfaqën edhe foto ku ishte një person i ngjashëm me të në një arkivol prej xhami. Por lajmi i ishte i rremë. Sipas mediave ndërkombëtare, fotoja e publikuar ditën e djeshme është realizuar në vitin 2011 në funeralin e Kim Jong-il, i cili ndërroi jetë nga një sulm në zemër.
