Muaji shtator do të jetë vendimtar për afro 84 mijë punonjës shteti. Ata duhet të bëjnë vaksinën anti-covid nëse duan që të shkojnë në punë. Kjo është kategoria më e gjerë e të përfshirëve në vaksinën e detyruar, pas mësuesve, pedagogëve dhe studentëve.
Vaksinimi me detyrim i administratës u njoftua nga kryeministri Rama. Kryeministri ftoi të gjithë ata që janë të pabindur për të bërë vaksinën, të mos ju besojnë teorive konspirative.
Ministria e Shëndetësisë thotë se në funksion të këtij procesi të detyruar i gjithë muaji shtator do të jetë i hapur për këdo që dëshiron të vaksinohet. Deri në fund të vitit, pritet që në vendin tonë të mbërrijnë 3 milionë doza vaksinash.
