Te dielën Kosova na dha një shembull sesi mund të votojnë nga shtëpitë e tyre personat e prekur nga Covid 19. Autoritetet shëndetësore në Shqipëri raportojnë për 35 mijë raste aktive me koronavirus, një shifër e cila mund të rritet edhe më shumë duke parë trendit e ditëve të fundit. Opozita e re ishte e para e cili ngriti alarmin nëse këta persona do mund të votojnë më 25 Prill.
Korab Lita: A ka parashikuar Komiteti Teknik i Eksperteve mënyrën sesi do të votojnë personat me Covid. Në Kosovë u mundësua votimi nga shtëpia?
Rakacolli: Ne se kemi marrë akoma në shqyrtim. Faleminderit që na e vutë në dijeni si shqetësim.
Nga ana e tij Komisioni Qendror i Zgjedhjeve po eksploron mundësinë e votimit vetëm brenda kuadrit ligjor të përcaktuar nga kodi i ri elektoral, i cili përcakton shprehje të vullnetit vetëm të institucioneve të posaçme.
Në zgjedhjet e 14 shkurtit në Kosovë një grup pune nga Komisioni Qendror i Zgjedhjeve të Shqipërisë monitoroi atje mënyrën e votimit në kushte pandemie dhe hartoi një raport ku flitet edhe për mënyrën sesi votuan nga banesat e tyre personat e infektuar me covid 19.
