Institucionet turke vazhdojnë të shpërndajnë ndihma në Shqipëri për familjet në nevojë, në kuadër të pandemisë globale te Koronavirusit.
Familjet e varfra të bashkisë se Librazhdit falë një projekti bashkëpunimi mes njësisë së qeverisë vendore dhe Fondacionit Kulturor Arsimor e Humanitar “ALSAR” janë përfshirë në një skemë përfituese paketash ndihmash ushqimore të llojeve të ndryshme.
Ndalesa e radhës së Fondacionit “ALSAR”, në ditët e solidaritetit për t’ju ardhur në ndihmë shtresave sociale në nevojë, ishte në qytetin e Librazhdit, ku në bashkëpunim me Institucionin e bashkisë së këtij qyteti, u realizua shpërndarja e kontingjentit të IV-të të ndihmave humanitare për 150 familje, duke lehtësuar sadopak vuajtjet dhe vështirësitë e tyre në këtë situatë të vështirë të krijuar për shkak të epidemisë COVID-19.
Institucione dhe organizata humanitare nga Turqia gjatë këtyre ditëve shpërndajnë ndihma për familjet në nevojë në qytete të ndryshme të Shqipërisë. 
