Arrestohen 2 persona në Pogradec, për transport të paligjshëm emigrantësh

Polica shkruan se 2 personat me iniciale A.B 39 vjeç dhe L.S 38 vjeç janë arrestuar në flagrancë duke transportuar 5 emigrantë.

2 persona janë arrestuar ditën e sotme në Pogradec, për shkak se kanë transportuar emigrantë të palogjshëm. Polica shkruan se 2 personat me iniciale A.B 39 vjeç dhe L.S 38 vjeç janë arrestuar në flagrancë duke transportuar 5 emigrantë. Personat e arrestuar janë kapur në fshatin Vërdovë të Pogradecit, duke shkuar në Tiranë.

Njoftimi i policisë:  

Qarku Korçë. Vijon operacioni policor i koduar “Perimetri”. Goditet një tjetër rast i veprimtarisë kriminale të dhënies ndihmë shtetasve të huaj, për kalim të paligjshëm të kufirit, kundrejt shpërblimit. Vihen në pranga 2 shtetas, të cilët u kapën duke transportuar 5 emigrantë të paligjshëm dhe nuk iu bindën urdhrit të punonjësve të Policisë për të ndaluar. Shërbimet e Komisariatit të Policisë Pogradec, në bashkëpunim me strukturat për Hetimin e Krimeve në DVP Korçë dhe Policinë Kufitare, në vijim të operacionit të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt fitimit, si rezultat i të cilit u bë kapja dhe arrestimi në flagrancë i shtetasve A. B., 39 vjeç dhe L. S., 38 vjeçe, banues në Durrës. Këta shtetas janë kapur në dalje të fshatit Vërdovë, Pogradec, duke transportuar në drejtim të Tiranës, me mjetin tip furgon “Benz”, pesë emigrantë të paligjshëm, të cilëve kundrejt shpërblimit, iu kishin premtuar kalimin për në vendet e BE-së. Shtetasit A. B. dhe L. S. nuk i janë bindur urdhrit të punonjësve të Policisë, duke tentuar që të largoheshin, por janë kapur dhe ndaluar. Materialet i kaluan Prokurorisë së Rrethit Gjyqësor Pogradec, për veprat penale “Ndihma për kalim të paligjshëm të kufijve” kryer në bashkëpunim dhe “Mosbindja ndaj urdhrit të punonjësit të policisë së rendit publik”.

 

Lajme të ngjashme