5.5 C
Tiranë
E shtunë, 29 Janar, 2022

Arrestohet në Gjermani vrasësi i kryepolicit të Shkodrës, Arben Zylyftari

42-vjeçari, u arrestua në ditën e Vitit të Ri teksa po përpiqej të nisej për në Stamboll, tha policia federale në një deklaratë.

Genc Tafili u zhduk pasi kreu një pjesë të dënimit për vrasjen e kryepolicit të Shkodrës, Arben Zylyftarit dy dekada më parë.

Sipas policisë gjermane, ai është arrestuar të martën në aeroportin e Frankfurtit.

42-vjeçari, u arrestua në ditën e Vitit të Ri teksa po përpiqej të nisej për në Stamboll, tha policia federale në një deklaratë.

Ata deklaruan gjithashtu se autoritetet shqiptare po e kërkonin me një urdhër-arresti ndërkombëtar.

Tafili u lirua me kusht në nëntor 2017 nga gjykatësja Enkelejda Hoxha pas 17 vitesh burg, nga 25 që ishte dënuar, dhe më pas u zhduk.

Lirinë me kusht Tafili e përdori për tu arratisur ndërsa në maj të vitit 2021 Gjykata e Apelit Tiranë rrëzoi vendimin e lirisë duke kërkuar rikthimin në qeli, duke e shpallur atë ne kërkim ndërkombëtar.

Për arrestimin e Tafilit është vënë në dijeni dhe policia shqiptare me qëllim nisjen e procedurave për ekstradimin e tij.

Aktualisht ai ndodhet në paraburgim në pritje të ekstradimit në Shqipëri.

Për tu Lexuar

Të Fundit

Lajme të Ngjashme