Një djalë i ri është plagosur në zonën e Brrylit në Tiranë mëngjesin e sotëm. Burime nga vendi i ngjarjes bëjnë me dije se i riu ka qenë duke lëvizur me motor, kur është përplasur fillimisht nga një makinë.
Më pas, shoferi ka dalë nga makina dhe e ka plagosur me mjet prerës në qafë. Në vendin e ngjarjes ka mbërritur policia e cila ka bërë shoqërimin e autorit të dyshuar.
Ky i fundit mësohet se ka qenë në makinë me gruan dhe një fëmijë të mitur, ndërsa nuk dihet ende motivi dhe shkaku i ngjarjes.
Situata e krijuar ka shkaktuar kaos në trafik dhe panik mes qytetarëve të pranishëm.
