Ministri i Jashtëm egjiptian, Sameh Shukri, përshëndeti hapat e fundit të Turqisë drejt vendosjes së dialogut me Kajron, transmeton Anadolu Agency (AA).
Në një intervistë për televizionin egjiptian Al Kahera Wal Nas, Shukri tha se Kajro është “i etur për të vendosur marrëdhënie dhe për të krijuar dialog me Turqinë që shkon për interesat e të dy vendeve”.
“Deklaratat dhe lëvizjet e fundit turke vlerësohen. Egjipti është i etur të vendosë dialog për interesin e të dy vendeve dhe të ketë marrëdhënie të bazuara në rregullat e së drejtës ndërkombëtare, veçanërisht për të mos dëmtuar interesat”, tha Shukri.
Të shtunën, kryediplomati i Turqisë, Mevlüt Çavuşoğlu, bisedoi në telefon me homologun e tij egjiptian dhe shkëmbeu përshëndetje për muajin e shenjtë të Ramazanit që po afrohet.
Hapit i parapriu një deklaratë tjetër të enjten nga kryeministri egjiptian, Mostafa Madbouly, duke falënderuar presidentin turk Recep Tayyip Erdoğan për përpjekjet e Ankarasë gjatë presidencës së saj të mandatit të Organizatës në Zhvillim-8 (D-8).
Disa javë më parë, Ankaraja dhe Kajro shkëmbyen sinjale pozitive mbi vendosjen e kontakteve dhe dialogut, përfshirë mundësinë e mbajtjes së bisedimeve për të shënjuar kufijtë e tyre detarë në Mesdheun Lindor.
