Humbin jetën dy pacientë nga Covid në spitalin e Shkodrës, njëri polic bashkiak

Mësohet se ata ishin negativizuar nga virusi, ndërsa ishin duke u trajtuar për pasojat e Covid.

Humbin jetën nga pasojat e Covid 19 ne Spitalin Rajonal të Shkodrës dy persona. Raportohet se njëri prej viktimave është polic bashkiak në Shkodër, rreth 60 vjeç.

Mësohet se ata ishin negativizuar nga virusi, ndërsa ishin duke u trajtuar për pasojat e Covid. Dy pacientët ishin të shtruar në reanimacion, në pavionin e dedikuar për Covid-19.

Situata e pandemisë në vend ka ardhur duke u përkeqësuar. Ministria e shëndetësisë raportoi sot 786 raste të reja dhe 11 humbje jete. /abcnews.al

Lajme të ngjashme