Në qytetin Milano të Italisë, qytetarët organizuan protesta kundër autoriteteve për shkak të përgjigjes së dobët ndaj pandemisë së koronavirusit (COVID-19), transmeton Anadolu Agency (AA).
Disa dhjetëra protestues u mblodhën duke goditur enët dhe shprehën pakënaqësinë me punën e qeverisë italiane.
Ata thanë se autoritetet duhet të bëjnë shumë më tepër në luftën kundër pandemisë në mënyrë që të përballen me këtë murtajë globale.
Protestuesit u përmbaheshin masave të tilla si mbajtja e maskave dhe mbajtja e distancës fizike.
Sipas të dhënave të portalit “Worldometers” në Itali që nga fillimi i pandemisë janë regjistruar 3.736.526 raste me COVID-19 dhe 113.579 viktima. Gjithsej 3.086.586 persona janë shëruar nga koronavirusi.