Më datë 20 qershor pritet të zhvillohet mbledhja e përbashkët mes dy qeverive Kosovë-Shqipëri.
Në muajin nëntor të vitit të kaluar Shqipëria dhe Kosova nënshkruan 13 marrëveshje të reja në mbledhjen e përbashkët e dy qeverive në qytetin e Elbasanit.
Rama deklaroi se të dyja palët kanë përcaktuar një fond për ngritjen e përbashkët të ekipit të punës në mënyrë që të vihen në zbatim të gjitha marrëveshjet. Kryeministri sqaroi se një pjesë janë zbatuar, ndërsa pjesa tjetër është ende në proces zbatimi.
Ndërkohë Albin Kurti theksoi se bashkëpunimi mes qeverive rrit cilësinë e jetës së qytetarëve edhe është në horizontin e integrimit në Bashkimin Europian.
