Ish-ministri i Jashtëm Edmond Panariti në emisionin ‘Frontile’ foli për zhvillimet e fundit në vend.
I pyetur për presidentin Ilir Meta i cili më 24 korrik dorëzon zyrtarisht detyrën e Presidentit, tha se Meta e ka deklaruar se do të jetë aktiv në politikë.
Gjatë bisedës në studio me gazetaren Marsela Karapanço, po ashtu u shpreh se ka dhënë sinjale se synon diçka përtej LSI-së.
24 korrik Meta dorëzon karrigen, çfarë ndodh me 25?
“Këtu nuk ka mister, ai ka deklaruar që do të jetë pjesë e politikës, riintegrimi i tij mbetet për tu parë. Janë dhënë sinjale që synon diçka përtej LSI , një bashkim, mbetet për t’u parë…Ka një projekt politik që do ta bëjë publik në kohën e duhur… E sigurt është që ky projekt politik i bashkimit të opozitës do të jetë pjesë e zotit Meta. Unë nëse do jem në politikë aktive, normalisht mund të ketë edhe figura të reja, sa për mua niveli i angazhimit mbetet për tu parë”, tha ai.
