Ankara
Të paktën 15 persona kanë humbur jetën dhe 70 janë lënduar si rezultat i shembjes së një mbikalimi të metrosë në Meksikë me vagona mbi të, transmeton Anadolu Agency (AA).
Sipas mediave meksikane, të cilat publikuan edhe pamje nga vendi i ngjarjes, zyrtarët kanë njoftuar se një pjesë e mbikalimit të metrosë në kryeqytetin Meksiko, e cila ishte nën mirëmbajtje, është shembur së bashku me vagonat mbi të, duke rënë mbi disa automjete në rrugë.
Shembja e mbikalimit, i lartë 5 metra, ka shkaktuar të paktën 15 të vdekur dhe 70 të lënduar, thanë zyrtarët.
Në vendin e ngjarjes janë dërguar ekipe shpëtimi.
Kryebashkiakja Claudia Sheinbaum tha po ashtu në Twitter se ka arritur në vendin e aksidentit.
Ajo njoftoi se krahas 15 të vdekurve, një automjet po ashtu ka mbetur nën rrënoja.
