6.5 C
Tiranë
E mërkurë, 8 Dhjetor, 2021

OBSH: Numri global i të vdekurve nga COVID-19 mund të jetë dy deri në tri herë më i lartë

Organizata Botërore e Shëndetësisë (OBSH) tha se numri global i të vdekurve nga koronavirusi (COVID-19) mund të jetë dy deri në tri herë më i lartë se shifra prej 3.4 milionë që ka konfirmuar organizata, transmeton Anadolu Agency (AA).

OBSH njoftoi raportin i cili përfshin Raportin e Statistikave të Shëndetit Botëror 2021 dhe parashikimet globale për normën e vdekjeve në rritje nga COVID-19.

Në raport thuhet se që nga 31 dhjetori 2020 parashikimet paraprake treguan se numri i përgjithshëm i vdekjeve globale që mund t’i artibuohen pandemisë së COVID-19 në vitin 2020 janë të paktën 3 milionë dhe se kjo nënkupton 1.2 milionë më shumë vdekje se sa shifra 1.8 milionë që është njoftuar zyrtarisht.

Sipas parashikimeve, shifra 3.4 milionë vdekje me burim COVID-19 që i është njoftuar aktualisht OBSH-së konsiderohet e mangët në masë të madhe, theksohet në raportin në të cilin bëhet e ditur se shifra e vdekjeve është 2-3 herë më e lartë.

Zëvendës drejtoresha e Përgjithshme, Samira Asma e cila është përgjegjëse për të dhënat dhe analizat e OBSH-së, lidhur me raportin ka dhënë informacione nëpërmjet video-konferencës në Gjenevë.

Në pyetjen e gazetarit të AA-së lidhur me numrin e vdekjeve globale nga COVID-19, Asma tha: “E dimë që deri në këtë muaj zyrtarisht janë raportuar 3.4 milionë vdekje. Por, kjo shifër mund të jetë me të vërtetë 2-3 herë më e lartë”.

“Kur shikojmë numrin e vdekjeve në mbarë botën në vitin 2020 dhe përpara kësaj, deri më tani për shkak të COVID-19 mund të kenë vdekur 6 deri në 8 milionë njerëz”, tha Asma e cila paralajmëroi se pandemia është ende në rritje.

Asma informoi se pandemia vazhdon të përhapet dhe se vazhdon rritja e numrit të viktimave si pasojë e COVID-19 në vendet e Amerikës Latine dhe kryesisht në vendet e Azisë si Indi dhe Nepal.

Ajo bëri të ditur se në shumë vende ka probleme në raportime lidhur me arsyet e vdekjeve. “Për këtë arsye, OBSH-ja u bën thirrje të gjitha vendeve që të zhvillojnë dhe të investojnë në sisteme të fuqishme të dhënash dhe të informacionit shëndetësor”, tha Asma.

Për tu Lexuar

Të Fundit

Lajme të Ngjashme