Lideri i Partisë opozitare në Izrael, Yesh Atid (Ka ardhmëri), Yair Lapid, paralajmëroi se ngjarjet e dhunës që kanë ndodhur në protestat e mbrëmjes të së martës në qytetin Tel Aviv “se mund të tërheq vendin në luftë të brendshme”, transmeton Anadolu Agency (AA).
“Gjaku i derdhur mbrëmjen e kaluar në Tel Aviv, është derdhur me duar te Bibi (kryeministri izraelit Benjamin Netanyahu) dhe përfaqësuesit e tij. Ai që mbjell provokim, korrë gjak”, shkroi ai në Twitter.
Ai duke paralajmëruar se provokimi ndaj protestuesve do ta shtyjë vendin në luftë të brendshme, kritikoi Netanyahu-n i cili nuk dha deklaratë në lidhje me sulmet ndaj protestuesve.
Ndërsa ministri i Mbrojtjes i Izraelit, Benny Gantz, në deklaratën e bërë nga Twitter, kërkoi dënimin e atyre që kanë sulmuar protestuesit.
“Deri sa ne jemi këtu, askush në Izrael nuk mundet të heshtë protestuesit”, u shpreh ai.
Sipas lajmit të Institucionit Transmetues Publik të Izraelit (KAN), 5 persona janë plagosur nga sulmi i djathtistëve ekstremë pranë shtëpisë së ministrit izraelit të Sigurisë Publike, Amir Ohana, në Tel Aviv.
