Partneriteti me SHBA, ‘Ballkani i Hapur’ dhe dialogu Kosovë-Serbi, Rama zbardh takimin me Escobar

Kryeministri Edi Rama ka treguar detaje nga takimi me Zëvendës Ndihmës Sekretarin e Shtetit të SHBA për Çështjet Europiane dhe Euroaziatike Gabriel Escobar. Përmes një postimi në Facebook, kreu i qeverisë ka bërë me dije se me zyrtarin e lartë amerikan folën për partneritetin mes Shqipërisë e SHBA, rolin e rëndësishëm të Shqipërisë në rajon,…

Kryeministri Edi Rama ka treguar detaje nga takimi me Zëvendës Ndihmës Sekretarin e Shtetit të SHBA për Çështjet Europiane dhe Euroaziatike Gabriel Escobar.

Përmes një postimi në Facebook, kreu i qeverisë ka bërë me dije se me zyrtarin e lartë amerikan folën për partneritetin mes Shqipërisë e SHBA, rolin e rëndësishëm të Shqipërisë në rajon, dialogun e domosdoshëm mes Kosovës e Serbisë.

Në pamjet e publikuara nga vetë Rama, shihet se Escobar është pritur si fillim në një zyrë ku u zhvillua një diskutim. Në shoqërinë edhe të ambasadores së SHBA-ve Yuri Kim, Rama i ka treguar zyrtarit amerikan zyrën e tij, në të cilën bënë edhe disa foto së bashku.

MESAZHI I RAMËS
📍Kryeministria – Kënaqësi të mikprisja Zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar, në një takim shumë miqësor, ku folëm për partneritetin e shkëlqyer mes Shqipërisë e SHBA, rolin e rëndësishëm të Shqipërisë në rajon, dialogun e domosdoshëm mes Kosovës e Serbisë dhe Ballkanin e Hapur, si një nisëm transformuese për ardhmërinë e rajonit, të cilën administrata e Presidentit Joe Biden e mbështet fuqimisht🇦🇱🤝🇺🇸