Pesëmbëdhjetë shtete arabe Fitër Bajramin do ta festojnë të njëjtën ditë me Turqinë

Në vendet në fjalë nuk është vëzhguar hëna, por dita e bajramit është përcaktuar sipas përllogaritjeve astronomike

Pesëmbëdhjetë shtete arabe, përfshirë Arabinë Saudite, Egjiptin dhe Emiratet e Bashkuara Arabe, do të festojnë të dielën Fitër Bajramin, raporton Anadolu Agency (AA).

Sipas njoftimeve të autoriteteve kompetente të 15 shteteve arabe në fjalë, është theksuar se dita e fundit e muajit Ramazan është përcaktuar 23 maji, dita e shtunë, ndërsa dita e parë e muajit Shevval është 24 maji, dita e diel dhe se do të festohet si dita e parë e Fitër Bajramit.

Në vendet në fjalë nuk është vëzhguar hëna, por dita e bajramit është përcaktuar sipas përllogaritjeve astronomike.

Vendet tjera arabe që do ta festojnë bajramin ditën e diel, janë: Katari, Kuvajti, Bahrejni, Palestina, Jordani, Iraku, Jemeni, Libia, Siria, Libani, Algjeria dhe Tunizia.

Gjithashtu edhe Turqia dhe vendet e Ballkanit do ta festojnë bajramin më 24 maj.Pesëmbëdhjetë shtete arabe Fitër Bajramin do ta festojnë të njëjtën ditë me Turqinë