Plani i shpërndarjes nga COVAX, Shqipëria merr 141 mijë e 600 doza të AstraZeneca

Dorëzimi i vaksinave vlerësohet të fillojë nga fundi i shkurtit, në varësi të kapacitetit prodhues dhe plotësimin e parakushteve thuhet në planin paraprak.

Shqipëria pritet të marrë nga programi COVAX 141 mijë e 600 doza, të zhvilluara nga AstraZenceca.

COVAX  dhe GAVI kanë bërë publik planin për shpërndarjen e dozave të para të vaksinave kundër koronavirusit për vendet me të ardhura të ulëta dhe të mesme.

Rreth 1.2 milionë doza të AstraZeneca dhe Pfizer pritet të shpërndahen nga plani paraprak. Shqipëria ka parapaguar për këtë program 3.9 milionë euro.

Dorëzimi i vaksinave vlerësohet të fillojë nga fundi i shkurtit, në varësi të kapacitetit prodhues dhe plotësimin e parakushteve thuhet në planin paraprak.

Pjesë e këtij plani janë edhe vendet e rajonit, Ku Mali i Zi pritet të marrë 84,000 doza, Maqedonia e Veriut 103,200 doza, Kosova 100 mijë e 800 , Serbia 345,600 doza.